ZUZENDARITZA-BATZORDEA

LEHENDAKARIAREN AGURRA

Mendeurrena betetzear dugun honetan, Larraina Kirol Zelaiak ez du bere historia ahaztu, baina, batez ere, etorkizunari begira dago.

Jaso ezazu nire agurrik beroena, webgune berri honetara birtualki bisitatuko duzuen horiek guztiek: bazkideak, lagunak edo edozein arrazoirengatik Larraina Kirol Zelaia klubari buruzko informazioa bilatzen duzuen horiek.

Iruñearen bihotz-bihotzean, ingurune pribilegiatuan eta berdegunez inguratuta, Larraina Kirol Zelaia klubak kirola eta bestelako aisia-jarduerak egiteko alternatiba bikaina izaten jarraitzen du, konpainia onean tarte atseginak igarotzeko toki ezin hobea baita.

Gure kluba 1932an sortu zen, eta gizartearekin bat eboluzionatu eta denbora eta erronka berrietara egokitu da bere ia 90 urteetan zehar. Soilik gizonentzako elkarte gisa sortu zen, eta, 2015etik aurrera, bazkidetu nahi duen ororentzat ditu ateak zabalik.

Gure helburua da Larraina Kirol Zelaiak dimentsioan klub familiarra, tratuan atsegina eta helburuan (adin guztietakoentzako kirol- eta aisia-jarduerak garatzea) sendoa izaten jarraitzea.

Mendeurrenetik hurbil, Larraina Kirol Zelaiak, bere historiaz harro,etorkizunari begira jarraitzen du egun, proiektu berrietan murgilduta; anbizio handi-handikoak dira, aurrekoak baino gehiago, hori posible bada, eta gurekin partekatzera gonbidatzen zaituztegu.